Chomskyphil - Laboratorio di scrittura.

26/11/2006

Carnevale 2004.

Testo del manifesto che annuncia(va) la morte di Carnevale.

Presotta, sausicchje; lard’e supressate;///

Pezzare, piscature, falegnam’e sfasulate.

Zite, spavette, lasagne e vermecielle;///

Scupature, prievete, scarpar’ e cap’e ‘mbrelle.

Murtadella, lajne, gnocchet’e patane;///

Usciere, rammare, musicant’e sacrestane;

Pruvulone, burro, scamorz’ e ricotta;///

Chjanchiere, mjerece, giurnalist’e cacasotta;

Fravecature, barriste, viggil’e maeste;///

Pummarole, cavule, vruoccol’ e menesta;

Prufessure, uarzune, pastur’e putejare;///

Scarole, pizza, purp’ e alice ‘a marinara;

Carabbiniere, vaccare, zappatur’e surdate;///

Cupete, nuce, nucell’e castagne ‘nfurnate;

‘Mpiegate, pupare, sinnec’e ferraciucce;///

Struffule, pastiera, zerpule. Vin’e tarallucce.

E’ fernut’a mereca! mò s’arapren’e cancielle

‘e ventequatt’e frevare s’asciogn’o bambenielle,

Nunn’o verìte? So’ tre anne ca mett’o mesale!

Scetàteve, band’e piecure, nunn’è nù funerale!

E’ N’ATU CARNUALE

"Ohi, mamma che burdello; uh che arrujna!

Accummenz’a sera e nun se strur’a matina.

Bbuone, fess’juste, addiritt’o sfasterjate

‘A vianova è storta, porta drittu ‘nda pignata.

Che rjuoto gruosse; l’enno fattu ggenerale!

Se scassen'e caccavelle , se règnene l’arzenale.

E cheste vulev’o cèfare ra cuanne steva ‘nfasce

Si scrive Carnuale, ma se legge Giorge Bushe."

E s'o crescier'a pèrete, pernacchi’e sische;

‘nda connula surchiava. Coca, cola e whisky.

O’ patr’o purpettiava; o uttava 'ndò giardine

‘ndo girell’o ‘nzeculiava cù mman’a carrubbina.

‘Nnanze s’o’ ‘ngarrava, sott’o sole ‘ro Texasse

Ca ‘lle cucett’a capa, ma chille già era fesse.

E 'o mannav’a mare, rind'e chiazze rò petrolio,

‘o strunzu galleggiava, 'ncopp’e bótte rò gasolio.

Addiventavu ruosso ma n’accucchiava niente.

O’ patre, scunferatu: mò o’ fazzu presidente!

E Cù ‘mbrucigli’e ‘mbruoglie ro’spogli’ elettorale,

A mèreca, s’abbusca, nù re. Chiù stord’e Carnuale.

Tu faj'o francu; 'mmetamm'a comma Condoliza,

‘a zetella ca mm’e cusut’o cuoll’e ‘sta cammisa.

Dick nunn’e ‘nu cane, Powélle 'o cacci'e se sperde;

O’ dollaro è padrone, je fazzu sulu fjur’e mmerde.

Tanto p’accummenzà mò avasciamm'e tasse

Che me ne fott’a mme, l’enn’a pavàn ‘e fesse.

‘A borza l’allascavu mman’e spogghiamaronne,

‘E cuartu se curcava cuanno carett’ Enrònne.

Po’, all’antr’asatte, n’aesse maj’ asciute

O’sole’ncopp’a chillu jurno disgrazziate,

carette ‘ncap’a Mereca, e‘fuoco, ‘na culata.

E ‘ra l’infernu ascivu ‘ra mort’a mascarata.

Georgi’alluccavu, ra’tana addò s’er’annacquate:

"Nun mme scassat’e palle! je sacciu chi è state!

Cù chille gran zuzzuso aggiu fatt’ assaj marenne

E’ o’ cumpariell’e pàtreme, Osacci’a Binladénne."

Mò, l’ajmma’j accire! Ajmme fà ‘na ‘rrecettata;

Nun me ne fotte niente se fazzu una ‘nzalata.

Missil’a battaglione, mille bomme co’ canisto;

Stateve tutt'accuorte; arriv 'o rre re' terroriste!

E accumenzav’o maciello, ca è n’ata mangiatora.

Quanta can’e caciuttiell’ a ‘lle manten’a còra!

‘E bomm’ intelligente co’ ciruriello carastusu

spetazzene tutt'a ggente, se canzejen’e zellusu.

Mò l’aggiu visto ‘cca! cù ‘ncap’o fazzulettu;

p’o ‘ntrecenà abbastav ‘e chiur’o cabbinettu.

O’ satellite nun vedde ‘ncopp’a mutucicletta,

jett’a truvà Saddamme, facetter’a staffetta.

Ohi ‘lloco n’atu uerro ca pàtrem’e ‘ngrassato

‘E famme mor’a gente, ma jss’è bbuon’armato.

Tene ll’arme nucleare, nun sacciu quantu gasse;

ll’ajmme spetazzà, o 'ngi scav’ a tutt’o fuosse.

Nù fessa ‘ncopp’a bòtta: "ma tu ne si’ sicuro?"

"Come ti permetti? pàtrem’ è chjn ‘o pisciaturo!"

Tony agguajava: "tengh’e carte lett’e scritte,

E’ robb’origginale, se trova sulu cù internette."

Asso, cinq’e coppa, sett’e renare, e fruscio

E’ nù tressett’a perde, ‘o vence sempe Busho.

Nun conten’e carte, se juoche ch’e mbriache.

‘Nbroglia, sfroglia ‘o mazzu,‘o culo se fa a piaghe.

Hitlerre resuscitato jette ‘nterra c’a capezza,

George treppediavu comm’o jalle ‘nda munnezza.

"Song’o chiù fort’e tutte, sunamm’o siscarielle.

Ll'aggiu vint'a uerra, picchè 'ngi fann'o pielle?

Son tutte piattare, maggiordom’e cameriere

E propriu nnanz’a tutte, se scaff’o cavaliere.

"Nun mme lassane sule, puru se stong’appère,

T' allecc’addò vuò tu; nun vogghiu j’ ‘ngalera."

George ’e mettivu ‘nfil’ e ‘lle stutav’a pippa,

‘a vocca ‘lle cusette cù ‘na bella fell’e trippa.

Tutt’e sante jurne, sò bòtt' e zompan’e surdate,

ma jsse scava sòrde addò ddio se nn’è scurdate.

Cu chella cap’e chioppa, nun vò pass’a nuttata,

ogni cess’è chille bbuone pe’scarrec’a mappata.

Sdrilla: ajmm’a sgarrupà tutt’e state terroriste,

O’ specchiu ‘lle responne: "tu sì, ca si’ n’artista."

Ra cuann’è accurdata tutta chesta battterìa;

‘E terroriste sò figliate, énne chius'a pacciarja.

Oggi’o’ munn’e sott’e ‘ncoppa, e chistu funerale,

'o prepar'jss'a nnuje, chillu strunz'e Carnuale.

Francesco De Feo; Febbraio 2004.

Eccomi

Ultimi Commenti

Link

Archivio

Feeds

Contatore

Postato da: Eremo a novembre 26, 2006 09:27 | link | commenti (7)